Мэдрэмжээ сонсохуй дор

Өндөр ууландаа гарч холын барааг ширтэхүй

Өөрийн өссөн нутгаа зүхрний гүнээс мэдрэнэ

Өвгүн ааваа дурсаж сэтгэлийн хөг нээгдэхүй

Өргөн дэлхий уужимыг галын хөгтэй ухаарна

Цэнхэр энэ дэлхийдээ цээж дүүрэн амьсгалахуй

Цэцэгт нугын сайханд харах мэлмий минь баясана

Цаст өндөр хайрхаддаа сүүн сацал өргөхүй

Цалгиа хэдэн бодол минь илбийн юм шиг замхарна

Дуулан дүүлэх хангайдаа дураар зоргоор амьдрахуй

Дуулим хорвоо хайраа дундрашгүй ихээр дэлгэнэ

Дэнслэх бодлоо цэгцэлж амар амгаланд умбахуй

Дэлхий гариг минь хүртэл түр атугай амсхийнэ

Б.Шайрийбуу  2017.03.23