Сэхээрэхүй

Тусгаар Монголын төлөө амь үл хайрлан тэмцэж
Туургат тусгаар улсаа яс цусаараа тамгалаж
Туган дор нэгдэж Их улсыг байгуулсан
Түүхэнд нэрээ мөнхөлсөн өвгүдийн удам билээ
Харвах сумны өөдөөс нүдээ үл цавчиж
Халаглах зүрх юундаа эх нутгаа тээж
Халдах дайсны өмнө толгой гудайж үзээгүй
Хатан зоригт өвгүдийн үргэлжлэл билээ
Өндөр тэнгэрийн дор сүлд юугаа мандуулаж
Өргөн олон ардаа хайр энэрлээр тэтгэж
Өтүгэ цагаас удамшсан Монгол хэмээх ухамсараа
Өр зүрхэндээ шингээсэн өвгүдийн удам билээ
Зовлоо гэж тэд шантарч яваагүй юм
Зовхион өөдөө өргөж омголон явсан юм
Жаргалаа гэж тэд манан дунд төөрөөгүй юм
Жам ёсыг сахиж орчлонд нэрээ үлдээсэн юм

Б.Шайрийбуу 2016.12.01